Асноўныя кірункі развіцця інфармацыйнай палітыкі Беларусі і Расіі абмеркавалі сёння ў Магілёве

Асноўныя кірункі развіцця інфармацыйнай палітыкі Беларусі і Расіі абмеркавалі сёння ў Магілёве парламентарыі дзвюх краін. Размова ішла аб выкрыцці фэйкаў, аб тым, што даносіць праўду важна праз усе магчымыя акаўнты. Як адзначылі ўдзельнікі сустрэчы, гэта вельмі актуальна зараз, калі ідзе сусветная вайна за розумы і ўплыў, і ў патоках хлусні важна працаваць па прынцыпе хуткага рэагавання.

Інфармацыйная бяспека ўмацуе і эканамічную стабільнасць дзвюх краін. Гэта адзначылі ўдзельнікі і падчас сустрэчы з кіраўніцтвам вобласці. Дарэчы, рэгіёны Беларусі адзначаюць станоўчую дынаміку ў павелічэнні тавараабароту з Расіяй. Толькі ў Магілёўскай вобласці гадавая лічба перавысіла 6 млрд рублёў.