Дзень Дзяржаўнага флага, Дзяржаўнага герба і Дзяржаўнага гімна святкуюць у Беларусі

У Беларусі сёння дзень трох дзяржаўных сімвалаў - флага, герба і гімна. Са святам суайчыннікаў павіншаваў Прэзідэнт.

Беларусы сталі першымі ў свеце, хто рашыўся выкарыстаць нацыянальны арнамент як элемент дзяржфлага. Ён, як і герб, мае гістарычныя карані - аснова запазычаная з тых часоў, калі Беларусь была ў складзе Савецкага Саюза. У гэтым тварэнні і выяўляецца наш менталітэт - мы не ламаем, а будуем. Ноты і тэкст дзяржаўнага гімна былі зацверджаны ўказам прэзідэнта ад 2002 года. Гімн выконваецца ў асаблівых выпадках згодна з пратаколам.

Сёння, у другую нядзелю мая, па традыцыі адбудзецца ўрачысты рытуал ушаноўвання дзяржаўных сімвалаў. Цырымонія з канцэртам і масавымі пастаноўкамі пройдзе на плошчы Дзяржаўнага флага.