Дзень Незалежнасці адзначылі ў пасольстве Беларусі ў Маскве

Народы Беларусі і Расіі радніць адказнасць за захаванне агульнай памяці і праўды. У беларускім пасольстве ў Маскве адбыўся ўрачысты прыём у гонар Дня Незалежнасці. Павіншаваць краіну прыйшлі расійскія дыпламаты, дэпутаты Дзярждумы, эканамісты, вядомыя грамадскія і палітычныя дзеячы. Выступаючы перад прысутнымі, пасол Беларусі адзначыў, што па эмоцыях Дзень Незалежнасці вельмі блізкі да Дня Перамогі - такая ж вялікая радасць, што беларуская зямля больш не спазнае жахаў вайны, і надзея на тое, што ў адзінстве і братэрстве з Расіяй мы застанемся моцнай, незалежнай і мірнай дзяржавай.

У гонар Дня Незалежнасці ў культурным і дзелавым цэнтры пасольства адбыўся святочны канцэрт. Ён аб'яднаў зорак беларускай і расійскай эстрады. Выступалі Аляксандр Буйноў, Таісія Павалій, Руслан Аляхно і вядома незабыўныя "Сябры".