Дзень работнікаў пракуратары адзначаюць у Беларусі 26 чэрвеня

Сёння адзначаецца Дзень работнікаў пракуратуры. З прафесійным святам прадстаўнікоў і ветэранаў органаў павіншаваў Прэзідэнт.

"Абараняючы правы і свабоды грамадзян, забяспечваючы вяршэнства закона і справядлівасці, захоўваючы гістарычную праўду, супрацоўнікі пракуратуры робяць усё, каб Беларусь паступальна развівалася і мацнела, а ў нашым грамадстве заўсёды панавалі мір і згода, - гаворыцца ў віншаванні. Кіраўнік дзяржавы падзякаваў за працу ветэранам і выказаў удзячнасць, што яны заклалі трывалыя асновы функцыянавання ўсёй сістэмы органаў пракуратуры і застаюцца ў страі, перадаючы свой багаты вопыт моладзі.