Дэпутаты Беларусі разгледзяць у першым чытанні законапраект аб урэгуляванні неплацежаздольнасці
Аўтар:Рэдакцыя news.by
Шэраг важных пытанняў разгледзяць 27 красавіка дэпутаты. На парадку дня значацца законапраекты аб урэгуляванні неплацежаздольнасці, аб дзяржаўным камітэце судовых экспертыз, аб прафілактыцы правапарушэнняў непаўналетніх, а таксама змяненні Крымінальнага кодэкса. Прадугледжана і ратыфікацыя шэрагу міжнародных дагавораў. Напярэдадні парламентарыі зацвердзілі план прыняцця законапраектаў у развіццё новай Канстытуцыі - усяго ў ім каля 90 дакументаў. Тэрміны такія ж, як і агучвалася, - да студзеня 2024 года. Аднак найважнейшыя дакументы неабходна прыняць ужо да канца гэтага года.