Рух на Мінскай кальцавой дарозе пад аварыйным мостам закрыюць цалкам

Сёння Дзяржаўтаінспекцыя ўжо змяніла схему праезду ў раёне рамонтных прац.

Частку ўнутранага кольца кальцавой і Ігуменскага тракту закрыюць. Паток аўтамабіляў пусцяць па вуліцы Янкі Лучыны і Чыжэўскіх - на гэтых вуліцах будзе забаронена стаянка, зменіцца арганізацыя дарожнага руху. Схема аб'езду аварыйнага ўчастку - на экране. Па знешнім кольцы рух захаваецца без абмежаванняў і змен. У гадзіну пік тут магчымыя заторы. ДАІ просіць аўтамабілістаў загадзя планаваць маршрут.