Рух на трасе М1 у Дубровенскім раёне адноўлены

Сітуацыя знаходзіцца пад кантролем. Цалкам рух атрымалася аднавіць да дзвюх гадзін ночы. Увесь гэты час дарожную бяспеку гарантавалі супрацоўнікі ДАІ, якія працавалі ва ўзмоцненым рэжыме. Іх задачай было папярэдзіць магчымыя ДТЗ, а таксама забяспечыць своечасовае прасоўванне калоны. Дададзім, што міжнародная траса М1 - асноўная транзітная дарога ў Расійскую Федэрацыю.

Учора мы распавядалі пра шматкіламетровую чаргу на беларуска-расійскай мяжы. Сотні машын захраснулі на выездзе з Беларусі. Затор стаў утварацца пасля абеду. Максімальная працягласць аўтакалоны была каля дваццаці кіламетраў. Затрымка адбывалася на расійскім баку - на заезд у Беларусь чэргаў не было.