Што назаўжды застанецца за кадрам першых здымак фільма "Вайна народная"

Подзвіг савецкага народа назаўжды крывёй удрукаваны ў гісторыю. Звыш 1,3 млн беларусаў ваявалі на франтах Вялікай Айчыннай вайны, 374 тыс. партызан і звыш 70 тыс. падпольшчыкаў вялі барацьбу на акупіраванай ворагам тэрыторыі. Усенародны рух супраціўлення, які разгарнуўся ў Беларусі, па маштабе і размаху не мае аналагаў у сусветнай гісторыі.

Агенцтва тэленавін рыхтуе да эфіру цыкл дакументальных фільмаў пад назвай "Вайна народная". Гісторыі шасці партызанскіх брыгад, на іх прыкладзе вы зможаце прасачыць усе этапы развіцця гэтага руху на тэрыторыі нашай краіны. Інтэрв'ю з гісторыкамі, удзельнікамі і іх нашчадкамі. Пастаноўкі гістарычных сцэн. Першую серыю вы ўбачыце ўжо заўтра на "Беларусь 1" у вячэрнім эфіры, а сёння тое, што засталося за кадрам карпатлівай работы (падрабязнасці ў відэа).