ДАІ праводзіць рэйды па кантролі над вадзіцелямі таксі

Дзяржаўтаінспекцыя сталіцы працягвае сачыць за перавозкай пасажыраў. Рэйды па кантролі за вадзіцелямі таксі праводзяць па ўсім Мінску. Галоўная задача - прафілактыка ДТЗ з удзелам таксістаў. Спецыялісты праводзяць агляд тэхнічнага стану транспартнага сродку, правяраюць адпаведныя дакументы. Акрамя гэтага, інспектары звяртаюць увагу і на стыль кіравання перавозчыкаў.

ДАІ нагадвае - таксі, паводле правілаў дарожнага руху, павінны быць пазначаны адпаведным чынам: жоўтымі палосамі на бартах і спецыяльным плафонам на даху.