"Генацыд. Рэквіем памяці" - выстава Слуцкага краязнаўчага музея

28 тысяч ваеннапалонных і мірных жыхароў загінулі ў гады Вялікай Айчыннай вайны ў слуцкім лагеры "Шталаг-362". Гэтыя і іншыя лічбы, факты, дакументы, сведчанні ў год 80-годдзя вызвалення Беларусі ад нямецка-фашысцкіх захопнікаў прэзентуе праект Слуцкага краязнаўчага музея.

Экспазіцыя заняла некалькі залаў, у якіх падрыхтаваны інсталяцыі, інтэрактыўныя вітрыны і карты, сабрана падборка твораў жывапісу. Праз розныя выразныя сродкі распавядаецца аб трагічных 1940-х.