Генпракуратура праверыла якасць навучання беларускіх школьнікаў - выяўлены шэраг парушэнняў

Генпракуратура праверыла якасць навучання беларускіх школьнікаў. Кантроль за адукацыйным працэсам праводзіўся выбарачна - у Віцебскім і Гродзенскім рэгіёнах, а таксама ў сталіцы. Па выніках праверкі зроблены высновы наконт таго, што навучэнцы не могуць асвойваць прадметы школьнай праграмы ў поўнай меры з-за складанага вучэбнага матэрыялу.

Падчас праверкі былі выяўлены выпадкі парушэння заканадаўства аб дзяржзакупках і неэфектыўнага выкарыстання бюджэту краіны, што таксама паўплывала на зніжэнне якасці адукацыі. Генпракуратура праінфармавала Савет Міністраў аб выяўленых недахопах і ўнесла шэраг заканадаўчых ініцыятыў. Па патрабаванні нагляднага ведамства профільныя спецыялісты займаюцца пытаннем карэкціроўкі школьных падручнікаў.