Галоўная ўмова бяспечнага адпачынку - ведаць і выконваць правілы паводзін на вадзе

У такую спякоту многія ратуюцца на вадаёмах, але гэта не заўсёды бяспечна. Больш за 30 жыхароў Мінскай вобласці сёлета сталі ахвярамі воднай стыхіі. Сярод пацярпелых ёсць і дзеці. Так, напярэдадні ў Барысаўскім раёне патанула 13-гадовая дзяўчынка. Да такіх трагедый часцей за ўсё прыводзяць заплывы на далёкія дыстанцыі, адсутнасць нагляду дарослых за непаўналетнімі. Галоўная ўмова бяспечнага адпачынку - ведаць і выконваць правілы паводзін на вадзе. Ратавальнікі нагадваюць: нельга заплываць за буйкі, плаваць у нецвярозым стане, ныраць з мастоў і дамбаў.

Для купання варта выбіраць спецыяльна абсталяваныя месцы. Важна заставацца пільнымі да іншых, каб пры неабходнасці тэрмінова паведаміць аб надзвычайнай сітуацыі ці аказаць першую дапамогу.