Госці "Славянскага базару ў Віцебску" змогуць наведаць Беларусь без віз

З 9 па 15 ліпеня пройдзе Міжнародны фестываль мастацтваў "Славянскі базар у Віцебску" - найбуйнейшы ў Беларусі культурны форум, які аб'яднаў краіны і кантыненты.

Замежныя госці, што прыехалі на фестываль, змогуць наведаць Беларусь без візы. Для арганізатараў і ўдзельнікаў прадугледжаны прэферэнцыі, якія будуць дзейнічаць з 4 па 21 ліпеня. Каб скарыстацца бязвізам, удзельнікам спатрэбіцца запрашэнне Цэнтра культуры "Віцебск" або Міністэрства культуры, а гасцям - арыгінальныя або электронныя білеты ў Летні амфітэатр або канцэртную залу "Віцебск". Таксама госці не будуць аплачваць дзяржпошліну за рэгістрацыю часовага знаходжання. Бязвізавым рэжымам змогуць скарыстацца жыхары 73-х краін.