Гродзенская вобласць - флагман у развіцці турыстычнай сферы ў нашай краіне

Дзякуючы ўвядзенню некалькі гадоў таму бязвізавай зоны, рэгіён актыўна развівае інфраструктуру адпачынку, аднаўляюцца значныя гістарычныя аб'екты. Стары замак у Гродне, Каложская царква 12-га стагоддзя, Палацава-паркавы комплекс Валовічаў у Свяцку, цэлы шэраг гістарычных сядзіб. Ствараюцца новыя маршруты ў наваколлях Аўгустоўскага канала, у тым ліку і міжнародныя. Вопыт у стварэнні і прасоўванні турыстычнага прадукта плануюць пераняць і іншыя рэгіёны. Аб гэтым заяўлена на рэспубліканскім семінары па турызме, які праходзіць у Гродне гэтымі днямі.