IАТА заклікала адмяніць забарону на палёты над Беларуссю

Сёння апоўначы ўступае забарона ЕС усім беларускім авіяперавозчыкам выкарыстоўваць паветраную прастору Еўрасаюза.

А тым, хто па палітычных прычынах спрабуе закрыць наша неба для еўрапейскіх лайнераў, сёння адказала Міжнародная асацыяцыя паветранага транспарту. Аўтарытэтнае аб'яднанне заклікае адмяніць забарону на палёты над Беларуссю.

Міжнародная супольнасць у сферы бяспекі палётаў, куды ўваходзіць 290 членаў з 120 краін, выказалася не палітызаваць авіябяспеку ў сувязі з інцыдэнтам з пасадкай самалёта Ryanair у Мінску. Адпаведнае паведамленне апублікавана на афіцыйным сайце IАТА.

"Такое развіццё падзей выклікае расчараванне. EASA павінна адмяніць сваю забарону і дазволіць авіякампаніям кіраваць бяспекай, як яны гэта робяць кожны дзень, з дапамогай звычайных ацэнак аперацыйных рызык. Палітыка ніколі не павінна ўмешвацца ў бяспечную эксплуатацыю самалётаў, а палітыкі не павінны выкарыстоўваць авіяцыйную бяспеку як прыкрыццё для дасягнення палітычных або дыпламатычных мэт".