Гульнявая залежнасць уключана ў пералік расстройстваў на ўзроўні з наркаманіяй

Сусветная арганізацыя аховы здароўя ўключыла гульнявую залежнасць у пералік хвароб і расстройстваў на ўзроўні з алкагалізмам і наркаманіяй. Сёння ад яе пакутуе каля 5 % насельніцтва планеты. Гульнявая залежнасць можа быць дыягнаставана ў тым выпадку, калі ў чалавека адбываюцца парушэнні ў сямейнай і сацыяльнай сферах. Часта ў пацыентаў узнікаюць суіцыдальныя думкі з-за пагружэння ў віртуальную рэальнасць. У шматлікіх краінах, уключаючы Беларусь, ужо распрацаваны праграмы лячэння людзей з такой залежнасцю.

Сёння САЗ апублікавала 11-е выданне міжнароднай класіфікацыі хвароб, у яе ўвайшлі 55 тысяч расстройстваў. Гэты даведнік універсальны для ўсіх урачоў свету.