Інтэрактыўная выстава "Партызаны Беларусі" адкрылася ў Барысаве

Аднавіць гістарычную праўду і даведацца пра герояў сваёй сям'і. Выстава "Партызаны Беларусі" адкрылася ў Барысаве. Больш за 150 тысяч імёнаў і іх гісторый сабраныя ў лічбе, а таксама звыш 70 экспанатаў - фатаграфіі часоў Вялікай Айчыннай вайны, узнагародныя лісты і баявыя характарыстыкі партызан і падпольшчыкаў тых гадоў. Знайсці ў спісах свайго роднага чалавека, які ваяваў, можа кожны. Напрыклад, інфармацыю пра сваіх прадзедаў шукалі вайскоўцы 72-га гвардзейскага вучэбнага цэнтра Узброеных Сіл Беларусі.

Шмат эмоцый перажылі тыя, хто ўсё ж змог адшукаць у спісах імёны сваякоў. З кожным днём гэта народная энцыклапедыя прырастае новымі фактамі.