Інтэрв'ю Святланы Ціханоўскай газеце "Інтэкс-прэс" прызнана экстрэмісцкім

Інтэрв'ю збеглага кандыдата ў прэзідэнты газеце "Інтэкс-прэс" прызнана экстрэмісцкім матэрыялам. Баранавіцкая пракуратура ўстанавіла, што ў анлайн-інтэрв'ю са Святланай Ціханоўскай утрымліваецца інфармацыя, накіраваная на распальванне ў грамадстве палітычнай, ідэалагічнай, сацыяльнай варожасці. За распаўсюджванне такой інфармацыі заснавальнік і выдавец газеты прыцягнуты судом да адміністрацыйнай адказнасці. Акрамя таго, пракурор абвясціў афіцыйнае папярэджанне аб недапушчальнасці паўторнага парушэння заканадаўства аб СМІ.