Касачы зацвілі ў Батанічным садзе

Колеравая палітра чэрвеня самая сакавітая. Маляўнічая калекцыя касачоў з'явілася на подыуме Цэнтральнага батанічнага саду Мінска. У кветак больш за 300 адценняў, і яны лёгка набываюць новыя. Селекцыянеры пастаянна папаўняюць калекцыю вытанчаных экзэмпляраў. Расліна шматгадовая, добра зімуе.

У свеце налічваецца больш за 35 тысяч сартоў касачоў. А ў калекцыі Цэнтральнага батанічнага саду, якую пачалі збіраць у 1957 годзе, зараз амаль дзве сотні сартоў.