IT супраць віруса. Больш як 50 рэзідэнтаў ПВТ аказалі дапамогу сістэме аховы здароўя Беларусі

Прыклад таго, як самыя розныя сферы дзейнасці падключаюцца да вырашэння агульнай праблемы. IT супраць віруса не толькі ў Сетцы, але і афлайн. Больш як 50 рэзідэнтаў Парка высокіх тэхналогій аказалі дапамогу сістэме аховы здароўя Беларусі на агульную суму звыш 2 млн. рублёў. Сярод іх як буйныя кампаніі, так і малы бізнес.Хтосьці пералічваў грошы на дабрачынныя рахункі, хтосьці аказаў дапамогу адрасна, закупіўшы апараты штучнай вентыляцыі лёгкіх, спецвопратку і маскі. Падключыліся нават цэнтры адукацыі ПВТ: вырабляюць сродкі абароны для медыкаў.

Арганізаваныя і анлайн-пляцоўкі для збору сродкаў. Напрыклад, найбуйнейшы беларускі IT-распрацоўшчык сумесна з Беларускім Таварыствам Чырвонага Крыжа запусціў дабрачынны праект #TogetherAsOne. Гэта збор сродкаў на закуп неабходнай медыцынскай тэхнікі, індывідуальнай абароны для ўрачоў, медработнікаў і валанцёраў, а таксама на дапамогу пажылым людзям, інвалідам і падапечным арганізацыі.

100 тысяч долараў на агульную справу пералічыла і кампанія ЕРАМ. Яна прапанавала супрацоўнікам добраахвотна ахвяраваць любую суму. Выніковы лік будзе падвоены самой кампаніяй.

Расказвае Яўген Горын (відэа).