З-за спякоты на гарачую лінію прафсаюзаў Беларусі з пачатку лета паступіла звыш ста зваротаў

З-за гарачага надвор'я Федэрацыя прафсаюзаў узмацніла кантроль за захаваннем тэмпературнага рэжыму наймальнікамі. З пачатку лета на гарачую лінію ФПБ паступіла звыш ста зваротаў. Як правіла, супрацоўнікі прадпрыемстваў скардзяцца на некамфортную тэмпературу для нармальнай працы. Кожны выпадак бярэцца на кантроль. У Федэрацыі прафсаюзаў падкрэсліваюць: за стварэннем камфортнага мікраклімату на рабочым месцы павінен сачыць наймальнік. Зрэшты, падтрымаць працаздольнасць і аблегчыць самаадчуванне дапамогуць дадатковыя перапынкі, кандыцыянеры, прымяненне спецыяльных сродкаў індывідуальнай засцярогі, а таксама зрушэнне рабочага часу з улікам шкодных умоў.