Да Радаўніцы запусцілі дадатковыя аўтобусы да могілкаў

Да Радаўніцы да мінскіх могілкаў запусцілі дадатковыя аўтобусы. Маршруты арганізаваныя да 14 мая ўключна. Таксама ў аўторак на паркоўку пры могілках можна будзе заехаць бясплатна. (Схема праезду аўтатранспарту і інфармацыя аб рабоце аўтобусаў ёсць на сайце спецыялізаванага камбіната камунальна-бытавога абслугоўвання ў раздзеле "Карысная інфармацыя"). Як паведамляецца, дадатковы пасажырскі транспарт будзе хадзіць да могілкаў: "Паўночныя", "Калодзішчы", "Заходнія", "Чыжоўскія", "Міханавічы" і "Лясныя". Там можна будзе набыць кветкі, лампады, дэкаратыўны друз і іншыя віды рытуальнай прадукцыі. На месцы таксама будуць працаваць спецыялісты для кансультавання па пытаннях устаноўкі і рамонту надмагільных збудаванняў.