Да юбілею Вялікай Перамогі больш за 5 тысяч асуджаных выйдуць на волю
Аўтар:Рэдакцыя news.by
Законапраект аб амністыі сёння адобрыў Савет Рэспублікі.
Сенатары адобрылі законапраект аб амністыі
Сенатары ўпэўнены, што ў дакуменце знойдзены баланс паміж прынцыпамі гуманізму і сацыяльнай справядлівасці. Гэты закон прадугледжвае паслабленні для карупцыянераў (чаго раней не было). Калі такія асуджаныя пакрыюць урон, то ім на год скароцяць тэрмін пакарання. Права на амністыю атрымалі і непаўналетнія, асуджаныя па так званым наркатычным артыкуле. Раней гэтай катэгорыі грамадзян тэрміны пакарання таксама не пераглядалі. Важны кірунак закона - даць асуджаным максімум магчымасцей для вяртання ў соцыум. Гэта абавязак мясцовых улад.
Законапраект прадугледжвае канкрэтныя тэрміны выканання. Амністыю правядуць на працягу паўгода.