Качанава: Сённяшняя моладзь больш палітызаваная, чым былі мы калісьці

23 снежня ў БДУ аб выбарах Прэзідэнта, якія адбудуцца ў 2025 годзе, ішла размова на сустрэчы старшыні Савета Рэспублікі Нацыянальнага сходу Беларусі Наталлі Качанавай з удзельнікамі "Школы маладога выбаршчыка".

Гэты моладзевы патрыятычны праект хутка набраў папулярнасць і аб'яднаў студэнтаў усіх факультэтаў вядучай ВНУ краіны. Галоўная мэта - асвета студэнцкай моладзі па тэме выбарчага працэсу.

Наталля Качанава:

"Хлопцы і дзяўчаты глыбока вывучылі выбарчы працэс, тыя законы, якія дзейнічаюць у нашай краіне, вызначаюць гэту важную палітычную падзею, нават паспрабавалі напісаць праграмы кандыдатаў у Прэзідэнты. Убачыць праграму вачамі маладога чалавека - вельмі важна. Наша сённяшняя моладзь больш палітызаваная, чым былі мы калісьці. Яны задавалі важныя і цікавыя пытанні, атрымаўся вельмі добры дыялог".

Школа маладога выбаршчыка не толькі навучае студэнтаў разбірацца ў тонкасцях электаральнай кампаніі. Удзельнікі таксама распрацоўваюць камандныя праекты на тэму "Перадвыбарны штаб". Па выніках яго абароны будзе вылучаны пераможца.