Як з рэкордна гарачым чэрвенем спраўляюцца на поўдні Беларусі

Цёплыя паветраныя масы з еўрапейскай тэрыторыі Расіі накрылі Беларусь. Слупкі тэрмометраў рэзка ўзляцелі ўверх. Сіноптыкі зафіксавалі небывалыя метэапаказчыкі: абсалютны рэкорд у Гомельскай вобласці - больш чым 37 градусаў цяпла. Аператыўныя службы зрэагавалі хутка: ратавальнікі перайшлі на ўзмоцнены рэжым працы, разгорнуты прафілактычныя мерапрыемствы. Аднак у барацьбе з чалавечай бестурботнасцю і стыхіяй гэта дапамагае не заўсёды. Статыстыка патанулых расце разам з паказчыкамі на ртутным слупку. Прычым, часцей за ўсё надзвычайныя здарэнні адбываюцца з-за купання ў забароненых месцах з неабследаваным дном, распівання спіртных напояў і безадказнасці дарослых. Вынік - дзясяткі патанулых. Толькі за апошнія суткі ратавальнікам у Гомельскай вобласці ўдалося засцерагчы ад трагедыі траіх, з іх дваіх дзяцей. Пра тэмпературныя анамаліі, метэаралагічныя рызыкі і аператыўныя меры рэпартаж Ганны Кавалёвай (відэа).