Як Талачын адзначае 590-годдзе

Закладка алеі, прысвечанай Году міру і стваральнай працы, адкрыццё дзіцячай пляцоўкі, стаматалагічнага аддзялення ў ЦРБ, выставы-кірмашы і пірацкі квэст пройдуць у Талачыне 1 ліпеня - у дзень святкавання 590-годдзягорада, перадаеБЕЛТА.

У святочнай праграме больш за двадзясяткіпадзей. Асноўныя з іх адбудуцца ў цэнтральнай частцы Талачына. Пачалося свята ў 10:15 з традыцыйнага ўскладання кветак да брацкай магілы ў парку "Юзэфполле". Адразу пасля гэтага ў цэнтры ўрачыстым шэсцем пройдуць працоўныя калектывы раёна.

З самай раніцы ў горадзе працуюць тэматычныя пляцоўкі і фотазоны, падворкі сельсаветаў і Свята-Пакроўскага жаночага манастыра, які зачароўвае сваёйвеліччу і прыгажосцю. Госці да позняга вечара змогуць наведаць гандлёвыя рады, выставу-кірмаш "Талачын - горад майстроў" і атракцыёны. На вуліцы Валадарскага прадпрыемствыпрадэманструюць сельскагаспадарчую тэхніку, а ў цэнтральным скверы адбудуцца паказальныя выступленні барцоў. Ратавальнікі прапануюць стаць гледачамі або ўдзельнікамі спаборніцтваў па пажарнымкросфіцеі прайсці пірацкі квэст "Востраў 112".

Культурную частку свята ўпрыгожаць выступленні ансамбляў падчас шоуз жывой музыкай. Аматары футбола збяруцца ў якасці гледачоў матча на стадыёне "Меліяратар". Вечарам гасцейі жыхароў Талачына чакаюць канцэрты артыстаў і моладзевая дыскатэка.

Завершыцца Дзень горадагучна і відовішчна - апоўначы неба над Талачынам расфарбуе святочны феерверк.