Калi ў Мінску пройдуць дні культуры Шэньчжэня

Дні культуры кітайскага горада Шэньчжэнь пройдуць у Мінску вясной 2025 года. Госці з КНР прывязуць у беларускую сталіцу кірмаш тавараў і паслуг. Пра гэта 21 кастрычнiка заявілі ў Мінгарвыканкаме на сустрэчы першага намесніка мэра Надзеі Лазарэвіч з кіраўніцтвам палітычнага кансультатыўнага савета горада Шэньчжэнь.

Сярод узаемавыгадных тэм - інавацыйныя тэхналогіі і абсталяванне для беларускай прамысловасці. Так, Мінскі гарадскі тэхнапарк зацікаўлены ў вопыце кітайскіх калег. Акрамя таго, вялікая цікавасць і да абмену студэнтамі паміж двума гарадамі. Адзначым, што ўжо 10 гадоў Мінск і Шэньчжэнь - гарады-пабрацімы.

Заўтра візіт дэлегацыі з Шэньчжэня працягнецца. У планах гасцей з Кітая сустрэцца з кіраўніцтвам Маскоўскага раёна сталіцы, а таксама наведаць прамысловыя прадпрыемствы Мінска.