Хлебны каравай Беларусі важыць ужо больш як 2 млн тон

Хлебны каравай Беларусіважыць ужо больш як 2 мільёны тон. Убрана парадку 30 % плошчаў - удвая больш, чым на гэтую ж дату летась. Такія тэмпы аграрыям задае надвор'е - "золата" з палёў важна ўбраць без страт і за аптымальныя тэрміны. Дарэчы, сярэдняя ўраджайнасць збожжавых 33 цэнтнеры з гектара. Найлепшыя паказчыкі ў пшаніцы і ячменю - з гектара яны даюць да 40 цэнтнераў.

Разам з жнівом і падрыхтоўкай да пасяўной працягваецца і нарыхтоўка кормаў. Травы другога ўкосу ўбралі амаль на 90 % плошчаў. Заклалі больш як 11 мільёнаў тон сенажу.