Кітайская традыцыйная медыцына ў Беларусі

Пытанні паставак у Беларусь кітайскіх медыкаментаў плануюць вырашыць у бліжэйшы час. Вытворцы КНР часта рэгіструюць свае прэпараты як БАДы, а не лекі. Механізмы спрошчанай рэгістрацыі абмеркавалі на сустрэчы з дэлегацыяй правінцыі Чжэцзян. Паміж камітэтам аховы здароўя Мінскага аблвыканкама і галоўным упраўленнем аховы здароўя кітайскай правінцыі заключана пагадненне. Так, пабудаваны і адзіны ў Беларусі Цэнтр традыцыйнай кітайскай медыцыны. Ён размешчаны ў Мінскай абласной клінічнай бальніцы. Гасцям паказалі працу цэнтра. Абмеркавалі абмен вопытам і кадрамі.

Кітайская медыцына ў Беларусі - гэта сумяшчэнне традыцый Усходу і тэхналогій Захаду. Сёння ў Цэнтры кітайскай медыцыны ў Бараўлянах аказваюць медпаслугі іголкаўколвання, вакуумнай тэрапіі, лячэбных масажаў.