Калона з гуманітарным грузам Беларусі для Украіны адправілася ў Данбас

Калона з гуманітарным грузам Беларусі для Украіны сёння пакінула нашу краіну. У Данецкую і Луганскую вобласці нашы ратавальнікі даставяць дапамогу вагай каля 80 тон. Разам з МНС у Данбас адправілася наша здымачная група.

Груз гуманітарнай дапамогі знаходзіцца на тэрыторыі Кіеўскай вобласці. Неўзабаве ва ўкраінскай сталіцы беларускі бок правядзе прэс-канферэнцыю. Гэта не першая гуманітарная дапамога ва Украіну. Год таму на МНС ускладалася такая ж місія.

Фуры вязуць самае неабходнае. Гуманітарны груз быў узгоднены з украінскім бокам. Частка тавару - гэта прадукты (мясныя кансервы, крупы, мука, макароны). Яны будуць адгружаныя на склады Міжнароднага Чырвонага Крыжа ў Кіеве. Пазней прадукты будуць падзеленыя на порцыі. ДМК і пагранічнікі забяспечаць першачарговы парадак мытнага кантролю на мяжы.

Другая частка грузу - камплекты вучнёўскай мэблі, шафы для дакументаў, халадзільнікі - пройдзе па тэрыторыі Данецкай і Луганскай абласцей у суправаджэнні беларускіх ратавальнікаў.