Комплекс "Круты Яр" сабраў юных атлетаў з усіх рэгіёнаў Беларусі

Профільныя змены ў аздараўленчых лагерах для будучых чэмпіёнаў. Комплекс "Круты Яр" у Барысаўскім раёне чарговы раз стаў "спартыўнай арэнай" і месцам збораў юных атлетаў. База прымае на трэніроўкі і цімбілдынг спартсменаў з усіх рэгіёнаў Беларусі. Плыўцы, біятланісты і нават хакеісты... Алеся Чачура ацаніла інфраструктуру для спартыўных заняткаў і камфорт для адпачынку школьнікаў.

У лагеры "Круты Яр" спорт заўсёды - перш за ўсё. Трэніроўкі ў дзяцей пачынаюцца ўжо ў 10 гадзін і праходзяць па два разы на дзень. База, вядома ж, таксама створана адпаведная. Басейн, трэніровачныя залы, неабходнае спартыўнае абсталяванне - усё для таго, каб заняткі праходзілі ў камфорце. Падтрымаць юных атлетаў неаднаразова прыязджалі знакамітыя спартсмены Беларусі. "Круты Яр" наведаў алімпійскі чэмпіён 2014 года па фрыстайле Антон Кушнір, а сёлета на адкрыцці змены пабывала бронзавы прызёр Алімпійскіх гульняў у Афінах па веласпорце Наталля Цылінская.

Профільныя змены ў аздараўленчых лагерах для юных атлетаў

Такая падтрымка для маладых атлетаў вельмі важная. Нягледзячы на юны ўзрост, дзеці ўжо ставяць перад сабой высокія мэты: паступіць у вучылішча алімпійскага резерву, ці апынуцца ў адной камандзе са знакамітымі беларускімі спартсменамі, а можа і ўвогуле прадстаўляць Беларусь на міжнародных спаборніцтвах. Крок за крокам яны ідуць да сваёй мары.

Трэнеры падтрымліваюць і натхняюць на шляху да спартыўнага алімпу. Дысцыпліна, строгі распарадак дня - таймінг у юных атлетаў профільнага лагера складаецца загадзя.

"Круты Яр" - вось ужо другі год запар становіцца "спартыўнай арэнай" для профільнай аздараўленчай змены. Тут створана ўся неабходная інфраструктура. Пляцоўка абсталявана для трэніровак па розных відах спорту. Падчас летніх збораў спецыяльна для атлетаў распрацоўваюць і адпаведны рацыён. Трэнеры яго карэкціруюць з улікам фізічных нагрузак. Зараз комплекс можа прымаць да 200 школьнікаў. Пры неабходнасці - яшчэ больш.

У спартыўна-аздараўленчым лагеры "Круты Яр" запланаваны 4 змены. За гэты час комплекс прыме больш за 500 юных спартсменаў.