Конкурс да Дня тыгра праходзіць у сталічным заапарку

Павіншаваць тыгрыцу анімалістычнай паштоўкай! У сталічным заапарку праходзіць конкурс на самае арыгінальнае віншаванне драпежніка. Праявіць творчыя здольнасці могуць дзеці ад 6 да 12 гадоў. Такі спосаб віншавання прымеркавалі да Сусветнага дня тыгра, які адзначаюць 25 ліпеня. У гэты дзень у заапарку пройдуць тэматычныя мерапрыемствы і ўзнагароджанне пераможцы.

Вольга Калмакова, метадыст Мінскага заапарка: "Паштоўка павінна быць вельмі цікавай, крэатыўнай. І тады мы пераможцу абавязкова запросім на наша мерапрыемства. Таксама ў пераможцы будзе яшчэ і магчымасць наведаць парк дыназаўраў".

Тым часам у заапарку рыхтуюць новыя апартаменты для мядзведзіцы. Новы вальер аснасцяць прыроднай інсталяцыяй - з горамі, дрэвамі і нават вуллем.