Трус стане абавязковым элементам навагодняга дэкору

Набліжэнне Новага года ўсё больш адчуваецца ў Мінску.

Зялёныя сімвалы хутка растуць на вуліцах і святочных пляцоўках. Сёлета ў сталіцы ўсталююць 26 ёлак. 11 з іх ужо радуюць жыхароў.

Завяршаецца ўстаноўка і аздабленне навагодняга дрэва на плошчы Незалежнасці. А мантаж галоўнай 30-метровай прыгажуні каля Палаца Рэспублікі пачнуць у панядзелак. Расфарбуе ёлку светлавы фантан у ажурным абрамленні. Але гэта не ўсе сюрпрызы, якія падрыхтаваў Мінск.

Абавязковым элементам навагодняга дэкору стане сімвал надыходзячага новага года - трус. Пры распрацоўцы канцэпцыі аздаблення дызайнеры ўлічвалі сучасныя тэндэнцыі і асаблівасці беларускага нацыянальнага каларыту.