Ласі пасяліліся ў мінскім парку адпачынку ў Сцяпянцы

У парку адпачынку ў Сцяпянцы пасяліліся ласі. Месца выдатнае для рэлаксу - тут любяць прагульвацца мясцовыя жыхары. Нядаўна яго аблюбавалі і дзікія жывёлы. Ласіха штодня прыходзіць да мясцовай сажалкі з прэснай вадой, каб наталіць смагу. Не выключана, што жыве ў парку цэлая сям'я. Жыхары мікрараёна кажуць, што жывёлы - іх мясцовая славутасць і нават упрыгажэнне раёна. Такое суседства з ласяміз аднаго боку ніякай пагрозы не мае, але ж побач праезная частка і як сябе павядуць дзікія жывёлы, невядома.

Спецыяльна створаная камісія ў найбліжэйшы час збіраецца адлавіць гэтых жывёл у парку. Праўда, працэс гэта таксама нялёгкі. Трэба зрабіць так, каб нікому не нанесці шкоды. Ні жывёле, ні людзям побач.