Лукашэнка ўзнагародзіў медалём "За адвагу" Аляксея Астроўскага

Мужнасць, самавалоданне і прафесіяналізм. Прэзідэнт Беларусі падпісаў указ аб узнагароджанні медалём "За адвагу" камандзіра сапёрна-піратэхнічнай групы ўнутраных войскаў МУС Аляксея Астроўскага. Капітан правёў аперацыю па ліквідацыі артылерыйскіх снарадаў. Падзеі разгарнуліся ў студзені гэтага года ў Полацкім раёне. Боепрыпасы незаконна перавозілі на машыне. Адзін з іх здэтанаваў. У выніку выбуху загінуў 1 чалавек. Афіцэр, які прыбыў на месца, знайшоў у пакарабачаным аўто яшчэ 7 артылерыйскіх снарадаў калібрам 125 мм. Капітану давялося працаваць больш за 5 гадзін.

Аляксей Астроўскі ўдастоены ўзнагароды за асабістую мужнасць і адвагу, выяўленыя пры выкананні воінскага абавязку, смелыя і рашучыя дзеянні па абясшкоджванні і знішчэнні выбухованебяспечных прадметаў.