Любімы Мінск працягвае прымаць віншаванні - праграма мерапрыемстваў распісана да вечара

Гасцінным і звонкім быў Верхні горад. Ля ратушы Дзень горада сустрэлі з народным каларытам. Тут у гонар знакавай даты выступілі заслужаны калектыў "Сябры" і народны артыст Беларусі Анатоль Ярмоленка.

Цэнтральным пунктам прыцягнення мінчан і гасцей горада была сцэна ля Палаца спорту. Энергіяй і пазітывам зараджалі дзясяткі музычных і танцавальных калектываў. Хедлайнерам святочнага канцэрта стала група "Карані". Іх выступлення жыхары сталіцы чакалі з нецярпеннем і хорам спявалі знаёмыя песні. Фінальны і маляўнічы акорд Дня горада - яркі салют.

Сёння імяніннік працягне прымаць віншаванні ад мінчан. Для наведвання па-ранейшаму адкрытыя кірмашы народнай творчасці, забаўныя і спартыўныя пляцоўкі. Да вечара распланаваная і праграма культурных мерапрыемстваў.