Масавы пікет прайшоў ля будынка амерыканскага пасольства ў Мінску

Пакуль беларусы мірна працуюць на будучыню краіны разам, неправамерныя рашэнні асобных краін парушаюць працоўныя правы нашых грамадзян. Работнікі ўсіх галін эканомікі выступілі з патрабаваннем адмяніць незаконныя санкцыі. Масавы пікет прайшоў сёння ля будынка амерыканскага пасольства ў Мінску.

Пікет супраць дыскрымінацыйных мер, прынятых уладамі ЗША ў дачыненні шэрагу беларускіх прадпрыемстваў. Таксама сімвалічна, што рабочыя выйшлі менавіта сёння, 1 Мая, калі працаўнікі ўсяго свету выступаюць за асноватворнае права чалавека на годную працу без штучных абмежаванняў. Дададзім, што санкцыі могуць закрануць інтарэсы больш чым 35 тысяч чалавек. Гэта працаўнікі прадпрыемстваў нафтахімічнага комплексу, а таксама іх сем'і.

Сёння ад імя 15 галіновых прафсаюзаў, у складзе якіх людзі з усёй краіны, накіраваны зварот непасрэдна ў Адміністрацыю Прэзідэнта ЗША. Рэакцыя Штатаў пакажа, наколькі важныя для дэмакратычнай Амерыкі інтарэсы простых беларусаў.