Мемарыяльную дошку журналісту і дзіцячаму пісьменніку адкрылі ў Гомелі

Мемарыяльную дошку беларускаму журналісту і дзіцячаму пісьменніку Івану Сяркову адкрылі на будынку тэлерадыёкампаніі "Гомель". Ён амаль 30 гадоў працаваў галоўным рэдактарам Гомельскай студыі тэлебачання. Яго творы вядомыя мільёнам савецкіх чытачоў, асабліва трылогія "Мы з Санькам…". Іван Кірэевіч распавядаў пра лёсы беларускіх падлеткаў, якія бачылі Вялікую Айчынную вайну. Паводле яго аповесці зняты фільм "Мы - хлопцы жывучыя". Сёлета класіку беларускай літаратуры споўнілася б 95 гадоў.

Мемарыяльную дошку адкрылі ў год 80-годдзя вызвалення Беларусі ад нямецка-фашысцкіх захопнікаў (напярэдадні Дня народнага адзінства). Рэалізаваў задумку мастак Аляксандр Гвоздзікаў.