Міжнародная федэрацыя хакея выступіла з заявай

Заява Міжнароднай федэрацыі хакея не прымусіла сябе чакаць. Арганізацыя імгненна выказала нязгоду з дзеяннямі мэра Рыгі і міністра замежных спраў Латвіі ў дачыненні да флага Беларусі на чэмпіянаце свету, адзначыўшы, што бачыць у гэтым жэсце палітычны характар. У федэрацыі нагадалі: хакеістаў віталі ў Латвіі ў якасці гасцей, і нельга дапускаць таго, каб ім даводзілася бачыць, як іх флаг без іх згоды выключаецца з ліку флагаў краін-удзельніц. "Гэта прама супярэчыць лозунгу краіны, якая прымае спаборніцтвы", - гаворыцца ў заяве. Міжнародная федэрацыя хакея звярнулася да мэра Рыгі з тым, каб флаг арганізацыі, а таксама флаг чэмпіянату свету былі неадкладна знятыя з той пляцоўкі. Разам з тым Міжнародная федэрацыя захавае флаг Беларусі на ўсіх аб'ектах чэмпіянату свету падчас правядзення турніру і спадзяецца, што мэрыя Рыгі перагледзіць сваё рашэнне.