Міжурадавы савет ЕАЭС - кіраўнікі ўрадаў "пяцёркі" засядаюць у вузкім складзе

Пра будучыню еўразійскай інтэграцыі гэтымі днямі гавораць у Мінску. Беларусь прымае міжурадавы савет ЕАЭС. Перамовы праводзяць прэм'ер-міністры. Усе сустрэчы праходзяць вочна.

У гэтыя хвіліны кіраўнікі ўрадаў "пяцёркі" засядаюць у вузкім складзе, без дэлегацый. На парадку дня самыя актуальныя пытанні паглыблення інтэграцыі. Лагістыка і транспарт, лічбавізацыя эканомікі, электронны гандаль, мытнае супрацоўніцтва, імпартазамяшчэнне - тэм для перамоў нямала. Яны праходзяць у няпросты перыяд. Прыходзіцца трымаць абарону ў глабальнай эканамічнай вайне.

На палях міжурадавага савета наш прэм'ер-міністр правёў і шэраг двухбаковых сустрэч. Раман Галоўчанка прыняў свайго ўзбекскага калегу Абдулу Арыпава. Гаварылі пра развіццё гандлю і кааперацыі. Не без сенсацый прайшлі перамовы з расійскім прэм'ерам Міхаілам Мішусціным. Бакі адзначылі, што інтэграцыйны парадак дня па лініі Беларусі і Расіі будзе напоўнены новым зместам. Яго аснова - 28 саюзных праграм. Але ўжо ў найбліжэйшы час іх стане больш.