Глядзець анлайнПраграма ТБ
ПалітыкаЭканомікаПрэзідэнтГрамадстваЗдарэнніУ свецеРэгіёныКультураЗдароўеСпортТэхналогііКругагляд
РэлігіяГісторыяБудаўніцтва і ЖКГАрміяМоладзьАдукацыяСям'я і дзеціДумкаТранспартТурызмЭкалогія

Беларусь прыпыняе ўдзел у ініцыятыве ЕС "Усходняе партнёрства"

У сувязі з уведзенымі Еўрапейскім саюзам беспрэцэдэнтнымі абмежавальнымі мерамі ў дачыненні да Беларусі сёння ў Міністэрства замежных спраў быў выкліканы кіраўнік прадстаўніцтва ЕС у нашай краіне Дзірк Шубель. Паслу Еўрапейскага саюза заяўлена цвёрдая пазіцыя беларускага боку аб абсалютнай непрымальнасці прымянення санкцый як інструмента націску на суверэнную і незалежную дзяржаву.


"Рэспубліка Беларусь прыпыняе свой удзел у ініцыятыве ЕС "Усходняе партнёрства". Беларусь пачынае рэалізацыю працэдуры прыпынення дзеяння пагаднення аб рэадмісіі з ЕС. Мы не можам выконваць свае абавязацельствы ў рамках гэтага пагаднення ва ўмовах уведзеных Еўрасаюзам санкцый і абмежаванняў. З глыбокім шкадаваннем канстатуем, што вымушанае прыпыненне дзеяння пагаднення негатыўна паўплывае на ўзаемадзеянне з Еўрасаюзам у сферы барацьбы з нелегальнай міграцыяй і арганізаванай злачыннасцю", - гаворыцца ў заяве прэс-службы МЗС Беларусі.


Кіраўніку прадстаўніцтва ЕС у Беларусі таксама прапанавана выехаць у Брусель для кансультацый, каб давесці свайму кіраўніцтву пазіцыю беларускага боку аб непрымальнасці націску і санкцый. У адказ будзе забаронены ўезд у Беларусь прадстаўнікам еўраструктур і асобам з краін Еўрапейскага саюза, якія садзейнічалі ўвядзенню абмежавальных мер. У МЗС выказалі пажаданне, каб службовыя асобы ЕС усвядомілі недасканаласць і бесперспектыўнасць рашэнняў аб прымяненні сілавога падыходу ў адносінах з Беларуссю.