МЗС Беларусі: увядзенне санкцый мяжуе з аб'яўленнем эканамічнай вайны

Беларускае Міністэрства замежных спраў выступіла з заявай з нагоды санкцый, прынятых у дачыненні да нашай краіны дзяржавамі ЕС, Злучанымі Штатамі, Вялікабрытаніяй і Канадай. Афіцыйны Мінск адзначае, што заходнія партнёры па-ранейшаму аддаюць перавагу замест любога дыялогу мове эканамічнай вайны і што такія падыходы будуць ацэнены адпаведным чынам працоўнымі калектывамі прадпрыемстваў, якія падвергліся санкцыям, а таксама сваякамі і сем'ямі работнікаў. Сваімі дзеяннямі, па словах МЗС, Захад фактычна даў адказ на пытанне: "Што ЕС робіць для беларусаў?"

МЗС лічыць кашчунствам выбар даты для аб'яўлення такіх санкцый: гэта было зроблена роўна праз 80 гадоў пасля таго, як аб'яднаная Еўропа на чале з гітлераўскай Германіяй прынесла на нашу зямлю смерць, гора і незлічоныя пакуты.

МЗС Беларусі ўказвае, што эфект ад прымянення санкцый будзе зваротным таму, што жадаюць арганізатары эканамічнай вайны.

Знешнепалітычнае ведамства Беларусі адзначае, што Захад настойліва спрабуе закрыць любое акно магчымасцяў для пачатку перамоў аб урэгуляванні рознагалоссяў. Сцежка санкцыённай вайны вядзе ў нікуды, паколькі нашы партнёры катэгарычна адмаўляюцца прыслухацца да голасу розуму.