Мінск і Каір звяжа прамы авіярэйс

Канструктыўную дзелавую размову, а не рыторыку ўльтыматумаў і санкцыённага націску выбіраюць нашы партнёры ў краінах Афрыкі і Блізкага Усходу. У аснову асноў яны, як і мы, ставяць рэалізацыю ўзаемавыгадных дамоўленасцяў. Пасол Беларусі ў Егіпце і па сумяшчальніцтве ў Амане і Судане ацаніў узровень міждзяржаўных адносін. Нашым дыпкарпусам даводзіцца працаваць у новых умовах. Гэта і пандэмійныя абмежаванні, і знешнепалітычны націск. Важна, каб у прыярытэце заставаліся інтарэсы народа, а не амбіцыі палітычных маніпулятараў.

Для паглыблення двухбаковых адносін ёсць дамоўленасці адкрыць прамы авіярэйс паміж Мінскам і Каірам (зараз вырашаюць тэхнічныя пытанні), на завяршальнай стадыі праект лічбавай егіпецкай візы для беларусаў - яе можна будзе атрымаць пасля прылёту ў аэрапорт. Інтэрв'ю з паслом Беларусі ў Егіпце Сяргеем Цярэнцьевым глядзіце заўтра ў "Галоўным эфіры".