Мінскі трактарны завод развівае прамысловы турызм для старшакласнікаў

Мінскі трактарны завод развівае прамысловы турызм для старшакласнікаў, якія захапляюцца тэхнікай. Сёння МТЗ наведала група школьнікаў з гарадскога пасёлка Сураж Віцебскай вобласці. Там дзейнічае адзіны ў сваім родзе гурток навучання трактарнай справе. Многія выпускнікі школы працуюць трактарыстамі. Сёння ж на заводзе моладзь азнаёмілася з асаблівасцямі выпуску машын.

Шырокай і багатай стала і экспазіцыя музея Мінскага трактарнага завода. Сёння тут больш за дзвесце экспанатаў. Гісторыю сталічнай прамысловасці можна вывучаць і інтэрактыўна.