Мітынг-рэквіем прайшоў ля мемарыяльнага комплексу "Баявы шлях гвардзейцаў"

Агульная гісторыя нікога не пакідае абыякавым. Ва ўсіх раёнах Мінска людзі аб'ядналіся, каб узгадаць гадавіну пачатку Вялікай Айчыннай вайны. Так, у Першамайскім раёне мітынг-рэквіем прайшоў ля мемарыяла "Баявы шлях гвардзейцаў". Сабраліся сотні людзей. Ваеннаслужачыя роты ганаровай варты вынеслі да помніка баявыя сцягі.

Мемарыяльны комплекс прысвечаны подзвігу гвардзейцаў 120-й механізаванай брыгады, 8 ваеннаслужачых якой былі ўдастоены звання Героя Савецкага Саюза. Толькі на тэрыторыі Першамайскага раёна знаходзяцца 12 брацкіх магіл і 62 воінскія пахаванні.