"Мы атрымалі тут шмат карыснай інфармацыі". Выпускнікам Мінскага дзяржаўнага медкаледжа ўрачыста ўручылі дыпломы

У Мінскім дзяржаўным медыцынскім каледжы адбылася ўрачыстая цырымонія ўручэння дыпломаў выпускнікам. Сёлета тут падрыхтавалі амаль чатыры сотні спецыялістаў, у тым ліку 37 з чырвоным дыпломам. Навучанне ажыццяўляецца па пяці спецыяльнасцях. Лячэбная, сястрынская справа, медыка-дыягнастычная і медыка-прафілактычная, а таксама лячэбны масаж. Наперадзе ў выпускнікоў праца ва ўстановах аховы здароўя сталіцы, у якія яны і атрымалі размеркаванне.

Штогод Мінскі дзяржаўны медыцынскі каледж прымае каля тысячы навучэнцаў, у тым ліку і з-за мяжы. Акрамя тэарэтычных заняткаў, акцэнт на практыку. Прафесійныя навыкі спецыялісты сярэдняга медыцынскага звяна ўдасканальваюць на базе стацыянараў клінічных бальніц Мінска і паліклінік.