Мядзельскія пляжы распачалі купальны сезон

Галоўны курортны раён Мінскай вобласці - Мядзельскі - распачаў купальны сезон. Да лета-2020 гарадскія пляжы добраўпарадкаваны. Абноўлены альтанкі і дзіцячыя пляцоўкі. У належны стан прыведзены і лежакі са штучнымі міні-крыніцамі. Акваторыя Мястра таксама ачышчана. Вада ўжо камфортная для купання нават з маленькімі наведвальнікамі пляжа. Яе тэмпература ля берага плюс 21 -22 градусы.

Штогод у Нарачанскім краі прымаюць тысячы турыстаў. Для гасцей распрацаваны маршрут экскурсій розных фарматаў, напрыклад, сплавы на байдарках альбо насычаныя веламаршруты.