На Беларускай чыгунцы раскрыта буйная карупцыйная схема - затрыманы адзін з кіраўнікоў

Галоўнае ўпраўленне па барацьбе з арганізаванай злачыннасцю і карупцыяй МУС выкрыла на Беларускай чыгунцы карупцыйную схему, стваральнікам і куратарам якой быў адзін з кіраўнікоў БЧ. Аператыўнікі высветлілі, што ён, карыстаючыся службовым становішчам, некалькі гадоў лабіраваў інтарэсы камерцыйных структур, якія зарабляюць на грузаперавозках. Пры гэтым выстаўляў канкрэтны цэннік за "паслугу". Сумы сістэматычных хабараў вылічваліся сотнямі тысяч долараў. Наўзамен карупцыянер забяспечваў першачарговую перавозку грузаў па тэрыторыі рэспублікі, блізкага і далёкага замежжа.

У дачыненні да высокапастаўленай службовай асобы Беларускай чыгункі Следчы камітэт узбудзіў крымінальную справу па прыкметах злачынства, прадугледжанага ч. 3 арт. 430 Крымінальнага кодэкса (атрыманне хабару асобай, якія займае адказнае становішча, у асабліва буйным памеры). Зараз ГУБАЗіК сумесна са Следчым камітэтам праводзяць мерапрыемствы, накіраваныя на высвятленне ўсіх фактаў злачыннай дзейнасці фігуранта.