На кантролі Мінскай аўтаінспекцыі бяспечнасць вадзіцеляў падчас руху ў спёку

Гарачае надвор'е - падстава сачыць за сваім станам за рулём. На кантролі сталічнай аўтаінспекцыі бяспечнасць вадзіцеляў падчас руху. На гэтых выхадных паблізу рэкрэацыйных зон арганізуюць патрулі. Інспектары будуць сачыць за яздой у нецвярозым стане, за парушэннямі правілаў паркоўкі ля вадаёмаў, побач з гарадскімі паркамі і скверамі. Правядуць прафілактычныя гутаркі з вадзіцелямі пра тое, як спёка можа ўздзейнічаць на самаадчуванне падчас руху.

Перад спякотнымі выхаднымі правілы бяспекі нагадвае і АСВОД: заходзіць у ваду толькі ў прадугледжаных для купання месцах, а таксама сачыць за непаўналетнімі і не пакідаць іх ля вады адных.