На чыгуначным вакзале ў Мінску пасажыры могуць прайсці ПЦР-тэсціраванне на COVID-19

Новая лабараторыя ПЦР-дыягностыкі на COVID-19 адкрылася на базе чыгуначнага вакзала Мінска. Гэта 13-я лабараторыя ў сталіцы, у разрэзе рэспублікі такіх ужо парадку 40. Даследаванне дазваляе хутка і аб'ектыўна вызначаць наяўнасць узбуджальніка ў біялагічным матэрыяле нават пры мінімальным яго ўтрыманні. Што, вядома ж, зручна для пасажыраў, якія адпраўляюцца па міжнародных маршрутах. Варта дабавіць, тут, у адміністрацыйным корпусе Мінскага чыгуначанага вакзала будуць рабіць выключна забор матэрыялу, самі ж лабараторныя даследаванні праходзяць на базе Мінскага цэнтра гігіены і эпідэміялогіі. Аднак гэта не паўплывае на аператыўнасць - вынік можна будзе даведацца ўжо на наступны дзень. Дзейнічаюць тут і агульнарэспубліканскія тарыфы па аплаце працэдуры і запісы на правядзенне ПЦР-тэсціравання.

Спецыялісты ўдакладняюць - базу лабараторыі гатовыя ўмацаваць у выпадку неабходнасці, у тым ліку пашырыўшы штат, а сваю працу пункт забору матэрыялаў будзе працягваць па меры патрэбнасці.